• #Bwyd

Cacennau Banana Duon a Caramel

Ddim bod angen esgus i gael cacen.. ond os oes gynno ti fanana's duon dyma’r ateb perffaith i ti

Cacennau Bach Banana a Caramel



Cynhwysion

  • 225g (8oz) o Flawd Plaen

  • 1 ¼ llwy de o Bowdr Pobi

  • ¼ llwy de o Soda Bicarbonate

  • 2 Banana Addfed (dechrau mynd yn ddu)

  • 115g (4oz) o Fenyn meddal neu Marjarin

  • 115g (4oz) o Siwgr Caster

  • ½ llwy de o ‘Vanilla Extract’

  • 2 Wŷ

  • ½ tin o Garamel

  • 115g (4oz) o Fenyn meddal, neu Marjarin

  • 115g (4oz) Siwgr Eisin

  • Llwy bwdin o Garamel

Dull

  1. Cynhesa y popty i 180oC ac estyna ‘tray’ sydd yn addas i goginio cacennau bach.

  2. Cymysga menyn a siwgr hefo’u gilydd mewn powlen.

  3. Mewn bowlen arwahan defnyddio fforcen i falu y ddau fanana.

  4. Ychwanega Vanilla Extract ac un o’r wyau i fewn i’r gymysgedd cyn ychwanegu ychydig o flawd a gweddill yr wŷ.

  5. Ychwanega y banana wedi ei falu i fewn i’r gymysgedd. Rhanna y gymysgedd i fewn i’r cwpeni cacennau (cupcake cases), o ddeutu dau lwy de swmpus ym mhob cwpan.

  6. Rho y cacennau yn y popty am o ddeutu 20 munud, neu hyd nes eu bod nhw yn frown ac wedi coginio drwyddynt.

  7. Ar ôl i’r cacennau oeri defnyddio syrinj i roi caramel yn nghanol y cacennau (neu defnyddio lwy bach i dynnu darn o’r spwng oddi yno a rhoi caramel yn y twll)

  8. Cymysga y menyn a’r eisin siwgr mewn powlen ag ychydig o’r caramel er mwyn creu eisin i fynd ar dop y cacennau.

  9. Rho’r eisin ar ben y cacennau - mwynha!

#Bwyd #CacennauBach #Teisen #Cacen #BananasDuon #Mwynha

CYSYLLTU

 

bwyd.cadi@gmail.com

 

©2023 by Gelato. Proudly created with Wix.com

TANYSGRIFIWCH I DDERBYN E-BYST A NEWYDDION DIWEDDARAF